Friday, January 25, 2013

ලිංගික අතවරවලින් බේරෙන්න අපේ ඇයොන්ටත් පිහියා

ඉන්දියාව යනු විශාල ජනග්‍රහනයක් සිටින ඒ වගේම ලොව විශාලතම ප්‍රජාතන්තවාදී ජනරජයයි.පසුගිය මාස කිහිපය තුල ඉන්දියාව තුල ඉතා විශාල උද්ගෝෂණ රැල්ලක් ව්‍යාප්ත වුණා.මේකට මූලිකත්වය ගත්තේ බොහොම වෙලාවට විශ්වවිද්‍යාල තරුණ පිරිස්.මේ උද්ගෝෂණ පැවැත්තුවේ කිසිම දේෂණපාලනමය හේතුවකට නොවේ.ඔවුන්ගේ එකම ඉල්ලිම උනේ සාධාරණයයි.

Thursday, January 24, 2013

හලාල් , මුස්ලිම් සහ දේශප්‍රේමි සිංහලයා | Halal , Muslims and Patriotic Sinhaleese

හලාල් යනු කැප දෙය , මුස්ලිම් වර්ගයා ආරාබියෙන් ආවේද ඉන්දියාවෙන් ආවේද , සිංහලා දේශප්‍රේමිද ජාතිවාදිද ? පිලිතුරු නැති ප්‍රශ්ණ , කෙලවරක් නැති විසදුම් , ඒ අස්සේ ජීවිතය ලස්සනයිලු , ඔක්කොම සුජාතලු.හැබැයි මේ ඔක්කොම කුජීතයි.

මම හාලාල් යන්න ගැන පැහැදිලි නොකරන්නෙමි.නමුත් අද බොහොමයක් සිංහල තරුණ පරම්පරාවත් සඟරුවනත් හලාල් වර්ජනය කරමින් සිටිති.

Monday, January 21, 2013

ඉන්දියාවේ සංචාරේ - මා දුටු ගුවන් සේවිකාවෝ : P

ගුවන්සේවා ගැන කියනකොට මතක් වෙන්නේ මොනවත් නෙමේ ගුවන් සේවිකාවෝ ! මම ඉතින් එහෙම කිව්වොත් කවුරුවත් ඉතින් නෑ කියන එකක් නෑ කියලා හිතනවා.

Sunday, January 20, 2013

ඉන්දියාවේ සංචාරේ -මා ගිය ගුවන්තොටුපලවල්

ඔන්න මටත් ඉතින් ජොබ් එකක් කාරිය එහෙම සෙට් වෙලා රට රාජ්ජවල යන්න ලැබුනයි කියමුකෝ , මහ ලොකු රට රාජ්ජ කිව්වට ගියේ අල්ලපු රටට විතරයි.එකත් ඉතින් වැඩපොලෙන් යැව්වේ මට ඇති ආදරයකට නෙමේ , ඒ ගොල්ලන්ගේ වැඩ කරව ගන්න.

ඉතින් පහුගිය මාස හයට කිහිපසැරයක් මම එහාට මෙහාට ගිහින් තියෙනවා. හිතා ගන්නකෝ , දැන්නම් ඉතින් උදේ හවස ගෙදර යනවා වගේ පුරුදුයි.

Friday, January 18, 2013

ජීවිතය කියන්නේ මහ පුදුම දෙයක්

ජීවිතය කියන්නේ මහ පුදුම දෙයක් ,
ආයිත් අවුරුදු ගානකට පස්සේ මගේම බ්ලොග් එක කියවද්දි......
මට දැනෙන්නේ එදා හිටිය මම කොච්චර වෙනස් වෙලාද කියලා.
අවුරුදු දෙකකට පස්සේ මගේම අතීතය බලන මම දකින්නේ ආගන්තුකයෙක්...
මේ අවුරුදු දෙක තුල මම ජීවිතේ මම හිතුවෙවත් නැති විදියට වෙනස් වුණා,
එදා තිබ්බ සරල , පිරිසිදු හිතුවිලි අද මා තුලින් ගිලිහෙලාද කියලා මට හිතෙනවා......
ජීවිතය සුන්දරයි , හැබැයි ඒ තුල වේදනාව , දුක , කුහකත්වය සැග වෙලා තියෙනවා.

Wednesday, December 22, 2010

සමුගන්න දෙන්න මට අවසර

කාර්‍ය් බහුලතවය හා පෞද්ගලික හේතුන් මත බ්ලොග් ලිවිමෙන් ටික කාලයකට විශ්‍රාම ගන්න අදහස් කරනවා.


එහෙනම් පස්සේ හමුවෙමු.

Tuesday, November 23, 2010

නොදුටු සබද ........

හරියටම මසකට කලින් ඔබත් මේ මිහිතයේ ජිවන් වු තවත් එක් අයෙක්.


නමුත් ඔබගේ වෙන් විමත් සමග කල පරිත්‍යගයත් සමග ඔබ අමරණිය වුවා.

ඔබගේ නෙත් යුගලයෙන් අද මම සමග තවත් අයෙක් ලොව දකිනවා.

අපට ඔබ සමු නොවුනත් ඔබ අප තුල ජීවත් වෙනවා.
 
නොදැක්කත් ඔබ මගේ නෙතින් දකිමි ලොව මම දැන් ඔබේ නෙතින්,


සබද ඔබ අමරණියයි.............


Monday, October 18, 2010

අනේ සංසාරේ

අම්මෝ මාසයකට විතර පස්සේ ඔන්න ආයිත් ලිපියක් ලියන්න හිතුනා.මේ දවස් මහා එපා කරපුම දවස් ටිකක්.මමත් මාර විදියට කම්මැලි වෙලා.ඒ මදිවට ජම්බෝලේ වගේ මහත් වෙලා දැන් පිපෙරෙන්නත් ලගයි.එහෙම නොවී තියෙවී යයි වැඩක් නොකර තියෙනකොට.

පහුගිය දවස්වල මම ඉස්පිරිතාලෙත් නැවතිලා හිටියානේ. මන්දා ඒකෙන් මේකෙන් මම හිතා ගත්තා අයිත්නම් රජයේ ඉස්පිරිතාලවට යන්නේ නැ කියලා.මගේ නිකම්ම නිකම් මාසයක් කෑවා.අන්තිමට බලෙන් ටිකට් කාපාගෙන ගෙදර එන්න උනා.

ඒක හින්දා ඔන්න පෞද්ගලික ඉස්පිරිතාලයකට යන්නයි ගෙදර අයගේ කල්පනාව අයිත් ඔන්න ඊලග 21 ඇතුලත් වෙනවා.මේ පාරනම් ගෙයත් උගස් තියෙන්න වෙන එකනම් ෂුවර් ( ඒකයි මගේ ලැප්ටොප් එකයි විතරයි තාම උගස් නොකර තියෙන්නේ ).

ඉස්පිරිතාල කතාව ඉතින් වෙනම පොස්ට් එකකින් ලියන්නම්.හැබැයි ඉතින් එක දෙයක් ඉස්පිරිතාලේ හිටිය නර්ස් අක්කලා මතක් වෙනකොටත් දුකේ බෑ.
තාත්තාගෙනුත් බර බරේ බැ ජොබ් කට්ටක් හොයා ගන්න කියලා.මේ යන විදියටනම් තවත් උපාධියක් කරන්න වෙන පාටයි ජොබ් එකක් ගන්න.මන්දා මාර අප්සෙට් සීන් එක.එත් ඉතින් තව මාසයක් විතර ඉස්පිරිතාලේ ඉදලා ගෙදර ආවහම බලනවා.

කවුරු හරි යාලුවෙක් වැඩක් කියුවා ඒක මතක් කරගන්න ෆුල් ගේමක් දෙනවා තාම අමතකයි.කිව්ව එකාටත් මල පැනලා ඇත්තේ.අනේ සමාවෙන්න මචන්ග් පොඩ්ඩක් ආයිත් මතක් කරන්න.බලමු ඉතින් රාජ‍ය වෛද්‍ය සේවයෙයි , පෞද්ගලික වෛද්‍ය සේවයෙයි ගුණාත්මකතාවය.

එහෙනම් ඉතින් ලිපිය හමාර කරන්න වේලාව හරි.

එහෙනම් නැවත ටික කාලයකින් හම්බ වෙමු මගේ රෝහල් ජීවිතයේ ලිපි පෙලක් සමග(හුගක් දේවල් තියෙනවා ලියන්න ).

Friday, September 10, 2010

Eid Mubarak | රාමසාන් සුබ පැතුම්

අද ලොව පුරා වසන මුස්ලිම් බැතිමතුන්ට ඉතාමත් සුවිශේෂී  දිනයක්. ඒ අද ඊඩ් (Eid ul-Fitr) දිනයයි.එනම් උපවාස සමයේ අවාසාන දිනයයි.
ඉතින් ඒ වෙනුවෙන් මම සියලුම මුස්ලිම් සහෝදර සහෝදරියන්ට  සුභ පතනවා.

Thursday, August 12, 2010

[කමු බොමු]කමුද බර්ගර් - රස හදුනන්ට පමණයි.

ලංකාවේ අපි දුප්පතාගේ කැම මොකක්ද කියලා ඇහුවොත් කියන්නේ කටපුරා "පාන්" කියලානේ.ඒ වගේ පිටරට(ඇමෙරිකාවේ තාමා වැඩියෙන්ම ) කියන්නේ "බර්ගර් " කියලා ලු. මොනවාද මේ බර්ගර් කියන්නේ සරල වශයෙන් කියුවොත් බර්ගර් කියන්නේ පාන් පෙති දෙකක් අතරට දාපු මස් කැල්ලක්.විශේෂයෙන් අද කාර්යබහුල සමාජයේ බර්ගර් එකක් තව තව විශේෂංග එකතු වෙල රස වෙලා තියෙනවා.ඉතින් මට හිතුනා අද බර්ගර් ගැන ලියන්න.මොකෝ ලංකාවේ අපිට රස ඔරිජිනල් බර්ගර් එකක් කන්න හම්බ වෙන්නේ කලාතුරකින් නිසා.

Wednesday, August 11, 2010

ළමා කාලයට මොහොතකට පිය නැගුවෙමි - නාර්නියා

මේ දවස්වල කියන්න තරම් වැඩකුත් නැති එකේ ඉතින් වැඩියෙන්ම කරන්නේ චිත්තරපටි බලන එක බයිස්කොප් සින්හලෙන් එකේ හුගක් චිත්තරපටි ඩවුන්ලෝඩ් කරලා බැලුවා.මේ ලගදී ගෝලයා දුන්න අපුරු චිත්තරපටියක් බැලුවා

Sunday, August 8, 2010

ශ්‍රී ලංකා ජාතික රග්බි සංචිතයට තේරිමට ඔබටත් වරම් ,පෙර සුදුසුකම් අවශය නැත. ,විදෙස් සංචාර

මෙතෙක් කොළඹ සුපිරි ක්‍රිඩකයන්ට පමණක් සිමා වී තිබු මේ අවස්ථාව ක්‍රිඩා අමාංතයාශය ප්‍රමුඛ මාර්ගස්ථ ප්‍රවාහන අධිකාරිය සාමන්‍ය ජනතාව වෙත ලබා දීමට තීරණය කර තිබේ.මින් පෙර මෙම අවස්ථාව ලබා දී තිබුණේ සුපිරි තරු පැලන්තියේ ක්‍රිඩකයන්ට පමණි.
 
මේ සදහා තව දුරටත් අදහස් දැක්වු මාරගස්ථ ප්‍රවාහනාධිකාරයේ වෙලාපත් සටහන්කරු මේ සදහා තෙරීම් පටි පාටියක් පවතින බවන් ඒ සදහා පවතින තේරිම් තරග මේ දිනවල පිටකොටුව බස්නැවතුමේ බෝ ගස අසල 120 බස් රථ නවතන මගී නැවතුමේ පවත්වන බව සදහන් කළේය.

Saturday, August 7, 2010

කාලෙකට පස්සේ නැවතත් ආවෙමි.

ඔන්න හුග කාලයක් නිහඩ වෙලා ඉදලා අයිත් බ්ලොග් අවකාශයට ආවා.පසු ගිය දවස්වල අධ්‍යාපන කටයුතුවලට "පලමු තැන" දීමට සිදුවීම නිසා බ්ලොග් ලියන්න බැරිවුණා.ඒ වගේම අතරින් පතර තමා බ්ලොග් කියෙව්වෙත්.

පසුගිය කාලය ගැන කිව්වොත් පසු ගිය අවුරුදු තුන ඇතුලට මාව පුද්ගලයෙක් වශයෙන් සැහෙන්න වෙනස් වුණා.සමාජයේ සම්මත හොද ගති ගුණ වගේම අසම්මත ගති ගුණ මේ කාලයේ ඇති නැති වෙලා ගියා.හෝව් හෝව් තාමත් පිස්සු හැදිලා වගේ කියව කියවගෙන යනවා නේද ?හුගක් කියන්න ලියන්න වගේම කියවන්නත් තියෙනවා.තව ජිවිත කාලයෙන් බාගයක්ම තියෙනවානේ බලමු එන හැටියට ජිවත් වෙන්න වාසනාවක් තිබුනොත් ඒවා හුවමාරු කරගමු බෙදා හදා ගමු.


ඒ වගේම මේ ලිපිය අපේ බ්ලොග් අවකාශයෙන් වගේම භෞතික ලෝකයෙන් සදහටම අපෙන් වෙන් වෙලා ගිය කුමුදුලාල් පින්තෝ මහතාට එතුමා අදහන දහම අනුව මරණයෙන් මතු උසස් තත්වයට පත්වේයායි පතමින් නිමා කරනවා.

Sunday, July 4, 2010

සිතන්නට යමක් !

අපි ඔක්කොම ශ්‍රී ලාංකිකයෝ සිංහල දේශයේ වැසියන් සියලු දෙනාම සිංහලයන් කියලයි මා සිතන්නේ ආගම කුමක්වූවත් ඔවුන් සියල්ලම සිංහලයන්ය යන හැගිමෙන් කටයුතුකල යුතුය.එවිට මේ රට නගා සිටුවීමට පහසුයි.

වෛද්‍ය ෂභාන් අජ්මීර්

උපුටා ගැනීම රිවිර ජුලි මස සතර වන දින පලවු පුවතිකනි.

Tuesday, May 11, 2010

අනේ අපේ අම්මත් මල්ලිව ගගේ දැන්මානම් [සංවාදයට විවෘතයි]

මෙය ශ්‍රී ලංකාවේ අනාථ නිවාසල වෙසෙන අනාථ දරුවන්ගේ පටන් දුගී සියළු දරුවන්ගේ පැතුම විය හැක.මක් නිසාද යත් පසු ගිය දිනවල ලොව පුරා දැඩි අවධානයට ලක් වූ අමිල සදරුවන් දරුවාගේ සහෝදරයා හා නැගණියන් අද සිටින තත්ත්වය ඔවුන්ට හිනෙන්වත් හිතන්න බැරිය.අද ශ්‍රී ලංකාවේ අනාථ දරුවන් අනාථ නිවාසවල දුක් විදිද්දී විශේෂයෙන් මව්පිය සෙනහස අහිමිව තමා වැදු දෙමව්පියන්ට ශාප කරද්දී හා මව්පිය සෙනහස සපිරි ජීවිතයක් ඉල්ලා හුල්ලද්දී අමිල සදරුවන්ගේ සහෝදර සහෝදරියන්ට පමණක් අලුත් මවක් , අලුත් නිවසක් , අලුත් ඇදුම් ආදි මෙකි නොකී දේවල්වලට අමතරව ඉතාමත් හොද පාසලක් ලැබිමට හේතු වුයේ අමිලගේ ම්ව් තම දරුවා ගගට වීසී කිරිමය සහ  අමිල මිය යැමය.

කලක් කලුතරම මෘගයෝ පිරිසක් බාලිකා ලමා නිවාසයකට පැන අසරණියන් දුෂණය කල ආකාරය මතක ඇතියයි මම සිතමි.අමිල සදරුවන්ගේ සහෝදර සහොදරියන් වන් ජීවිතයක් අන් දරුවන්ට උරුම නැද්ද ? ඔවුන්ට එවැනි ජීවිතයක් උරුම වන්නේ එකෙකු ගගකට හෝ මුහදකට අතහැරිය විට පමණද ?

Monday, May 10, 2010

අම්මේ ! මම ඔබට ආදරෙයි

මේ ලියන්න යන්නේ ගෙවී ගිය මව්වරුන්ගේ දිනය සදහා පොස්ට් එකක් නෙමේ.ඒ කර හුගක් අය පොස්ට් ලියන්න ඇතිනේ.මම මේ ලියන්නේ මගේ ජීවිතේ සුවිශේෂි දිනයක් වෙන අද දවස මට උදාකරපු මගේ රත්තරන් අම්මාටයි.මේ ලිපියකින් අම්මාගේ ණය ගෙවන්න මට බැ.නමුත් මට මගේ හිතේ තියෙන දේ මුළු ලොකේටම කියන්න පුලුවන්.අම්මේ , මේ ලිපිය සමහර විට ඔයා කවමදාවත් කියවන්නේ නැති වේවි.සමහරවිට කියවාවි.

Sunday, May 9, 2010

[පොඩිහිටියන්ට තහනම් ]නිකරුනේ දඩුවම් විදින අපේ විවාභයකයෝ

මම මේ කියන්නේ සත්‍ය සිදුවීමක්.මේ සිදුවීම වුණේ මම හොදට අදුරන යුවලකට.මම මේ කියන්නේ සත්‍ය සිදුවීමක්.මේ සිදුවීම වුණේ මම හොදට අදුරන යුවලකට.ඉතින් මේ කතාවේ කතා නායිකාව සහ නායකයා යන දෙනාම ශ්‍රී ලංකාවේ අකුරු හතරක බැංකු ජාලයකට සම්බන්ධයි.ඉතින් මේ දෙන්නා එකට වැඩ කරද්දී පලමු බැල්මෙන්ම ආදරයේ වැටුනා කියමුකෝ.අවුරුද්දක් විතර කී නොකි දේවල් කරලා දෙන්නාට ඊලග අවස්තාවට යන්න හිතුනා.ඒ කියන්නේ විවාහය.

Saturday, May 8, 2010

[කමුබොමු] සුදුළුණු පාන් - සුදුළුණු ගද අය නොබැලුවාට කම් නැත.

හුගක් අයට සුදුළුණු ගදයිනේ.මම දන්න ගැණු ලමයෙක් ඉන්නවා සුදුළුණු කියුවොත් පැත්ත පාලතේ නැ.කෝමත් ඉතින් එයා කුස්සියට යන්නේ නැති එක්කෙනෙක් ඒක හින්දා එච්චරම අවුලක් නෑ.මම මේ කියන්නේ යන්නේ අද අපේ රැ කැම පිලියෙල වුණ විදිය ගැන.

Monday, May 3, 2010

සිංහලයෙනි අවදි වෙව්, ජිවිතය පුදව් ( පුදන්න බැරිනම් ගනිව් )



සිංහලයෙනි තොපේ රට ජාතිය ආගම විනාශ කරන විජාතික කුමන්ත්‍රනයක් ලෙස එලෙඹෙන ජුනී මාසයේ කොලොම්පුරේ මහා සිද්ධියක් වීමට නියමිතය.මේ සදහා මහරජතුමා ප්‍රමුඛ ඇමති මණ්ඩලෙන් සහයෝගය ලැබෙන බව පෙනී යයි.උපතින් බුද්ධාගම්කාරයන් වන තොප ආගම වෙනුවෙන් ඕන දෙයක් දෙන බව ප්‍රකටය එම නිසා ආගමේ නාමයෙන් මරපියව් , කොටපියව් , කපපියව්.මහරජතුමා කපා කොටා ඇබෙණියට වටහා දියව්.

කවදත් අපට වින කල පර ඉන්දියනුවන් මෙවරත් අපිට වින කරන්න එන පාටයි ගියවර රටේ ජාතියේ ආරක්ෂකයා සෝම හමුදුරුවන් අපවත්කල සතුටට ඉන්දියනු අල කන්නාට ( කට්ටිය කියන්නේ ෂාරුක් කියලාලූ ) බොම්බ දෙකක් දි එලවු එකට ප්‍රතිචාරයක් වශයෙන් මෙවර එම අල කන්නාට සපොර්ට් එකක් වශයෙන් කන්නෝ ප්‍රමුඛ ඔක්කොම වන්නෝ මෙවර ලංකාවට රොක් වෙන්න යයි.තොපිලගේ ගැනු පරිස්සම් කරගනින්.උන්ට වශියක් කර ඇත.ඒ නිසා උනුත් විජාතික කුමන්ත්‍රණකරුවන් විය හැක. .

මුලින්ම ඉන්දියනු වන්නෝගේ පිංතුර පොත් අස්සේ කොට්ටේ අස්සෙ තබාගෙන වන්දනාකරන තොපේ ගැණුන් , දරුවන් මරපියව් උන් දේශදෝහියන්ය ආගම් විරෝධින්ය සධාචාරවිරොධින්ය.මුවහත් කරවු තොපිලගේ කඩු කිනිසි වීසී කරවු තොපිලගේ අල ගෙඩිවන් මොල.


මෙතෙක් ජාතිදෝහියන් , ආගම්විරොධි කුමන්තරන කාරයන් සැලකු ආකාරයට මෙවරත් සලකව්. තහනම් කරව් ඉන්දියනු වන්නගේ(කන්නන්ගේ ) සැනකෙලි , ගහපියව් බොම්බ , කුඩු කරපන් රජතුමාගේ මාලිගව , කලින් සැරේ අලහකොන්ගේ යාලු ඔලුව(SIRASA ) ට කලා මෙන්.

ජැක්ලීස් නංගිට තේරුම් කරහන් සිංහල කාන්තාවන් යනු තලෙයිබානුවන් වැනි ශේෂ්ඨ තොපට උපත දෙන්නන් මිස. වන්නන්ගේ කෙලියන් නොවන බව.

මරපියව් , කොටපියව් , බොම්බ ගහපියව් , රට ජාතිය ආගම බේර ගනිව්




සිංහලයෙනි පිබිදෙව් තොපේ ඔල මොට්ටල ගති ගුණ පෙන්නව්

Sunday, May 2, 2010

පිටකොටුව ,පදික වේදිකාව,හා රට

මේ දවස්වල පිටකොටුවේ කඩ කඩලා මාර ටොක්ස් යන්නේ.ගමේ වගේම නගරේ අයත් ඔය ගැනමයි කතාව සමහර අය කියනවා හොදයි කියලා තව සමහර කියනවා නරකයි කියලා ඇත්තටම මේක නරකද එහෙම නැත්නම් හොදද ?

මම දකින විදියට මෙක ප්‍රධාන වශයෙන් රාමු දෙකක් තුල සිට නීරීක්ෂනය කල හැක.සුලුතර පදික වේදීකා වෙලෙන්දන්ගේ කෝණයෙන් බලන කල මේ සිදුවීම තුලින් ඔවුන්ට සිදුවූ අයහපත අතිවිශාලය.සුළු ලාභයක් තබාගේන අරුමෝසම් (මනි බඩු ) වල පටන් ඉතා විශාල වපසරියක් තුල විසිරී තිබු මෙමගින් ඉතා විශාල පුද්ගලයන් ප්‍රමාණයක් දිවි ගැට ගසා ගන්නා ලදී.

රට වැසියකුගේ එසේ නැත්නම් පදිකයකුගේ කෝණයෙන් බලන කල මා සිතන්නේ පදික වේදිකා තිබිය යුත්තේ පදිකයාට ආරක්ෂා සහිතව යැමට මිස වෙලදාම් කිරීමට නොවන බවය.

නමුත් දිනපතා පිටකොටුවේන් බස් එකට නගින්නෙකු වශයෙන් මම දකින්නේ බහුතරයක් පදික වෙලෙන්දෝ ඉතාමත් උත්සහවන්ත බවත් ක්‍රියාශ්‍රිලී බවත්ය.මේවැනි මානව සම්පතක් රටේ පදික වේදිකා මත්තෙහි නැසෙන්නට හැරිය යුතු නොවේ. ඔවුන්ගේ දක්ෂතා විධිමත් ලෙස ප්‍රයෝජනයට ගත හැකිනම් එයම අප වැනි රටකට ඉතාමත් වැදගත්ය.

පිංතුරය උපුටා ගන්නා ලද්දේ 

පිටකොටුව - Article of Townsman