Friday, March 26, 2010

අලහකොන්(AKA Akon) වෙත ලියමි


අලහකොන් ,

ඉතින් කොහොමද සැප දුක් ?අපිනම් සුපුරුදු පරිදි අලයක් තම්බාගෙන කා වැඩක් බලගෙන ඉන්නවා.ඉතින් ඉතින් කොමද ඔබතුමාගේ ලංකා ගමන ? මම මේ ලියන්න හිතුවේ ඔබගේ වීසා අවසර දුන්නේ නැති වුණත් අපේ ලංකාව ගැන අහිතක් හිතන්න හොද නැති නිසයි.

ලංකාව කියන්නේ මුතු ඇටයක් විතර චුට්ටන් රටක් අපේ සුනිල් පෙරේරා උන්නැහේ කියුවා වගේ අපේ රට ඔබලගේ බටහිර රටවලට වඩා සැහෙන්න දියුණුය.කොටින්ම ඔබලාට අවශ්‍ය ආධාර ලාබා දෙන්නේත් අපිනේ.

ලක්වැසියෝ වනහි ඉතාමත් හික්වීමක් තියෙන ජාතියක්.කොටින්ම මේ ලගදි ප්‍රභාකරන් උන්නැහෙටත් අපේ වුන් හික්වෙන හැටි කියලා දුන්නා.විශ්වාෂ කරන්න ඕන් ඊට පස්සේ වචනයක්වත් කතා කලේ නැ ඒකා.
ඊට අමතරව අපේ රටේ ඔබෙ රටේ වගේ පුවත්පත් කතුවරයන්ට අම්බානේකට නෙලන්නෙවත් , අන්තිමටම හික්මවන්නේවත් නැ.මිනිසුන්ගේ අදහස් ප්‍රකශ කිරීමේ අයිතිය මේහේ උපරිමයි.

කොටින්ම කියනවානම් නිදහස්මත ප්‍රකාශකරන්නන්ව උස්සන් ගිහින් හොදටම සලකනවා. එතකොට නොමිලේ දිව්‍ය ලොකේ සුපොගබෝගී සවාරියක් යවනවා. හැබැයි ගිය කට්ටියම අකමැත්තෙන් උණත් එහේ නතර වුනා මොකද සක්‍ර දෙවියෝ ඒ ගොල්ලන්ගේ සේවය ලංකාවට වඩා එහෙට අවශයි කියන හින්දා.

ඔහේ වගේ නෙමේ මෙහේ සාරධර්ම සුරකීම අන්තිම හොදයි.මිනිස්සු සැහෙන්න හොදට සාරධර්ම සුරකිනවා. කොටින්ම කියනවානම් මේහේ දෙවුන්දර තුඩුවේ ඉදන් පෙදුරු තුඩුව දක්වා ඕනැම ගැහැණියකට රත්තරන් ගොනියක් අරන් යන්න පුලුවන්.මිනිස්සු සලකන විදිය කියුවොත් අපේ මිනිස්සු අර ගැනු කෙනාට ලේසි වෙන්න රත්තර්න් ගොනියත් අරන් රස්නේ වැඩි හින්දා ඇදුම් ටිකත් ගලවලා තමා අර ගැනු කෙනා යවන්නේ. බලන්නකෝ ඔයී ඔය ගොල්ලන්ගේ රටවල් වගෙද අපේ එවා මාරයි නේද ?

අපේ රටේ ආගම්වලට මාර විදියට ගරු කරනවා එකනේ ඔයාට ඔය ප්‍රශ්ණ උනේ.මොනව උනත් ඉතින් ප්‍රගිතිස්‍රිලි අපේ ජනතාව හැමොටම සමාව දෙනවා.

හැබැයි ඉතින් මටත් වඩා හොදට විස්තර අපේ ෂාරුක් අයියා කියයි.මිනිහට අපේ කට්ටිය කොච්චර කැමතිද කියනවානම් සැරයක් ගෙදර අරන් යන්න බෝම්බ දෙකක්ම පාර්සල් කරලා දුන්නා. පොඩ්ඩක් කොල් කරලා බලන්න.නම්බරේ අපේ මහ රජතුමාගෙන ඉල්ල ගන්න.
 
මම ඉතින් මේ ගැන තව ටිකක් විස්තර වෙනත් ලිපියකින් ලියන්නම්.
ලොකේ උතුම් රට ලංකාවයි සිරි ලංකාවයි !


මීට
V

Saturday, March 20, 2010

කාලෙකට පස්සේ

කාලෙකට පස්සේ තමා බ්ලොග් එකේ ලියන්නේ.මේ දවස්වල කැම්පස් එක ප්‍රොජෙක්ට් සබ්මිසන් තිබ්බා.ඉතින් මාර කට්ටක් කැවේ.තාමත් අමාරුයි.එත් ඉතින් මොනවා කරන්නද ? බැද ගත්තනම් බේරේ ගහන්නත් එපැයි.

ඉතින් මේ ගමන්ම මට ලියන්න හිතුනා. මට මගේ යාලුවන්(සම හරක්), එහෙම නැත්නම් වෙන කට්ටිය මුණට නොකිව්වත් වටින් ගොඩින් අගවන කාරණයක් ගැන.

මම යන්නේ සල්ලි ගෙවලා ඉගෙන ගන්න තැනකට , ඉතින් එකින් කියන්නේ නැ මම සල්ලි කාරයෙක් කියලා එහෙම , මමත් ගමේ ඉස්කොලෙට ගිය ගමේ කොල්ලෙක් කැම්පස් යන්න බැරි උන හින්දා යන්තම් ලොන් එකක් ගහලා මේකට පැන්නා. ඉතින් මම කියපු යාලුවෝ(මමත් එක්ක දැන් ඉගෙන ගන්න කට්ටිය නෙමේ ) හිතන් ඉන්නේ මම සල්ලි ගෙවලා ඉන්න නිසා උපාධිය නිකම් අහසින් ගෙදරටම වැඩම කරනවා කියලා.ඇත්තෙන්ම ඒ ගොල්ලෝ හුග දෙනක් පෞද්ගලික විශ්වවිද්‍යාවල ඉගෙන ගන්න අපේ මහන්සිය සැහෙන්න අවතක්සේරු කරනවා.සමහරක් වෙලාවට හොම්බට දෙකක් අනින්න හිතෙනවා කියන කතාවලට.

ඇත්තෙන්ම සමහරක් වේලවට අපි රාජය අංශයේ ඉගෙන ගන්න අයට වඩා කටු කනවා.අපිට තියෙන්න සීමිත සම්පත් ( ද්‍රවමය වගේම දැනුම ). අනික පෞද්ගලික අංශයේ හුගක් වෙලාවට උපාධි ප්‍රදාන ආයතන වෙන රටක ඉතින් ඒ රටවල් අපේ වගේ නෙමේ හුගක් වෙලාවට දෙන දෙය ගුණාත්මකව බලනවා. ඉතින් අපේ සුලු වැරද්දක්වුනොත් අපි ඉවරයි.
 
තව දෙයක් , ඇත්තෙන්ම මම සැහෙන්න සතුටුයි මගේ යලුවෝ ගැන විශේෂයෙන්ම අපේ එකිනෙකාට උදව් කරගන්නා විදිය. ඇත්තෙන්ම මම මේ දවස්වල ප්‍රොජෙක්ට් ටික ගොඩ දාගත්තේ ඒ ගොලන්ගේ උදව්වලින්.

නම් වශයෙන් නොකිව්වත් ඒ උදව්වලට බොහොම ස්තුතියි.ඒ ගැන මම අමතක කරන්නේ නැ.

Saturday, February 13, 2010

ලංකාවට නුහුරු නුපුරුදු ඔලිම්පික් | Vancouver Olympic games 2010


ඔන්න ඉතින් 2010 සිසිර ඔලිම්පික් උලෙළත් ආරම්භ විය.ගිම්හාන(Summer) ඔලිම්පික් උලෙළට වඩා මෙහි සාමාජික රටවල් පිරිස අඩු වුණත් මෙම උත්සවය ඉතාමත් චමත්කාර ඒකක් බව මුලාශ සදහන් කරති.මෙවර විසි එක් වැනි සිසිර ඔලිම්පික් උලෙළ පැවැත්වන්නේ කැනඩාවේ වැන්කුවර් කියන ප්‍රදේශයේය.

කවුරුහරි මේක බලන්න යනවානම් ඔබගේ අත්දැකීම අප සමග හුවමාරු කර ගන්නා ලෙස ඉල්ලා සිටමි.

ලංකාවේ වෙසෙන අපිට සියසැන් මෙම අවස්ථා දැක ගත නොහැකි වූවත් විද්යුත් මාධ්‍ය භාවිතා කරලා නරඹන්න හැකිය.

නමුත් අන්තර්ජාල නොමිලේ ලබාදෙන සජීවි දර්ශන සදහා අවස්ථාවනම් නොලැබී යා හැක.නමුත් ඔවුන්ගේ නිල අඩවියට ඇතුලත් කරන දර්ශනනම් අපට නැරඹිමට හැකියාව ඇත.


නිල වෙබ් අඩවිය


http://www.vancouver2010.com/

නිල මුණපොත පාඨක පිටුව

http://www.facebook.com/olympics

ට්විටර් පිටුව
 
http://twitter.com/2010tweets

Sunday, February 7, 2010

ආගම ! අලුත් ආගම පවුලකට කොඩිවිනයක් වූ හැටි ! අද පත්තරෙන්

අද රිවිර පුවත්පතේ (2010-04-07) පලවු ලිපියෙන් සදහන් වන්නේ ආගම් ප්‍රශ්නයක් නිසා පවුලකට සිදුවූ අභාගය සම්පන්න සිදු වීමක් ගැනයී.

එහි සදහන් වන පරිදි සිද්ධිය සැකෙවින් මෙසේය.


එක්තරා පවුලක් පියා එක් ආගමකුත් මව සහ දරුවනුත් තව ආගමක් අදහයි. මෙයට දිගු කාලයක් සිත් තැවුලෙන් පසු වන පියා තමාගේ පවුලටත් ගිණි තියා තාමාත් ගිනි තියගෙන සියදිවි නසාගනී.

තව දුරටත් එම පියා තම දරුවන්ට සහ බිරිදට ඉතා ආදරයෙන් පසුවූ බවද පවසයි.

මේ සිදුවීම පදනම් කරගෙන අද මම මාගේ මේ ලිපිය ලියන්න හිතුවා.

පුවත්පතේ ලිපිකරු පවසන පරිදි එම පියා බෞද්ධයකු බවත් මව යම් මූලධර්මවාදී ආගමක් අදහන බවත් පවසයි.ඇත්තෙන්ම මට මේ ලිපියේ මුලධර්මවාදී යනුවෙන් අදහස් කර ඇත්තේ කුමක්දැයි යන්න නොවැටෙහේ

එය ශබ්ද කෝෂයේ විස්තර කරන්නේ මෙසේය

A usually religious movement or point of view characterized by a return to fundamental principles, by rigid adherence to those principles, and often by intolerance of other views and opposition to secularism..


නමුත් මෙහි සදහන්වන පරිදි බෞද්ධ පියා මූලධර්මවාදියකු නොවන අතර ජේසුව අදහන මව ඇතුලු අන් අය මුලධර්මවාදි වේ.සමහර විට මාගේ අබ ඇටයක් වැනි මොලයට මෙවැනි කරුණක් තෙරුම් ගත නොහැකි වෙනවා ඇත.සමහර විට මෙහි මවගේ සහ පියාගේ ආගම් මාරු වී ඇත්නම් මෙය මිට වඩා වෙනස් කතාවක් ලෙස රිවිරේ ලියවනවා ඇත.

මේ ලිපියේම සදහන්වන පරිදි පියා තම පවුලෙහි අන්‍ය ආගම පිලිබදව දැඩිලෙස විරෝධය පලකරන අතර ඉතාමත් අසහනයෙන් පසුවී ඇත.


මේ අනුව මම මුලධර්මවාදින් යනු කවරෙක්ද යන්න තීරණය කීරීමට ඔබට බාර දෙමී.

ඇත්තෙන්ම අද සමහර පවුල්වල මේ ආගම් ප්‍රශ්නය ඔඩු දුවා ඇත්තේ පිලිලයක් මෙනි.


මෙයට ප්‍රධාන හේතුව ලෙස මම දකින්නේ අපේ රටේ ප්‍රජාවගේ තමාගේ අගම පිලිබද ඇති අධි තක්සේරුවත් , අන් අයගේ අදහස් පිලිගැනිමට තබා ඇසීමටත් ඇති අකමැත්තය.

විශේයෙන්ම බෞද්ධයකු වශයේ මා අත්දැක ඇත්තේ තමා හොද බෞද්ධයයි කියා ගනිමින් අන්ධ විශ්වාෂ මත කොවිල්වල ,දේවාලවල එසේ නැත්නම් පල්ලිවල ආතක් පාතක් නැතිව එහේ මෙහේ දුවන (අ )බෞද්ධයෝය.මෙයට ප්‍රධාන හේතුව වන්නේ සමාජයේ පැවැති පන්සල සමග සම්බන්ධය බිද වැටීමය එසෙත් නැත්නම් මිනිසුන් BZ වීමය.

බොද්ධ දර්ශනය ආගමක් ලෙස නොව දර්ශනයක්, ජීවිත පිලිවෙතක් ලෙස ඕනැම ආගමක කෙනෙකුට පාවිච්චි කල හැක.එය මගේ විශ්වාශයයි ඒ වගේම බුදුරජානන්වහන්සේ දේශනා කර ඇත්තේ බෞද්ධයකු තුල තිබිය යුත්තේ භක්තිය නොව ශුද්ධාව යන්නයි

අන් ආගම් මුලික වූ සමාජවලද මේ කාරනය අඩු වැඩියෙන් ඇති බව මට විශ්වාෂයි


නමුත් අද මේ (අ )සිංහල රටේ බහුතරයක් වූ (අ )බෞද්ධයන්ට වෙන දේවල් පිලිබද සලකා බලන කල මට පෙන්නේ දුක් විදින අපේ අනාගතයයි.

Saturday, February 6, 2010

සාමය සහ උතුර

මේ ලගදී අපේ යාලුවෙක් යාපනේ ගියාලුනේ ඉතින් ආපු වෙලාවේ ඉදන් එයා කියුවේ යාපනේ මිනිස්සු දකුනේ මිනිසුන් කෙරෙහි දක්වන ඍන ආකල්පය සහ යාපනේ මිනිසුන්ගේ නිවාස යුද්ධයේ විපාක හැටියට විනාශ වෙලා තිබ්බ හැටියි.




තවත් එයා කියුවා යාපනේ සහ වන්නි ප්‍රදේශයේ සියලුම ගස් වැල් කාලතුවක්කු උණ්ඩ හෝ මල්ටි බැරල් නිසා සම්පුර්ණයෙන් විනාශ වෙලා තියෙන හැටි.තව දෙයක් යාපනේ තරුණ පරම්පාරව යුද්ධය මධ්‍යයේ වුවාත් ඉතාමත් බුද්ධිමත් බව(ඉතාමත් හොදයි )


ඇත්තෙන්ම දැන් තමා හොදම කාලේ උතුරු පලතේ සංචාරය කරන්න.හැබැයි යුද්ධය පැවැති සමය හා සටන් වීරාම සමයේ යාපනේ නොවුනත් මන්නාරම (මුරුන්කන් ) හී සතී කීපයක් ගත කල නිසා මම කැමතියි මේ සම්බන්ධව මගේ අදහස් කීපයක් කියන්න.


අද කට්ටිය යාපනේ යන්නේ නිකම් අපි සත්තුවත්තේ සතුන් බලන්න යනවා වගේ.පාර්ඩෝ එහෙම නැත්නම් සුපිරි වාහනවලින් ඒසී එකේ ගිහින් යාපනේන් බහින කොට යාපනේ මිනිසුන්ගේන් ඍන ප්‍රතිචාර ලැබෙන එක පුදුමයක්ද වැඩිය ඔනේ නැ කොලඹින්  ටිකක් දුර දකුනේ පලාතකට ගියොත් ඔය සමාන ප්‍රතිචාර දැක ගන්න පුලුවන්




1. උතුරේ මිනිසුන් අපේම මිනිසුන් ලෙස සලකන්න.ඒ වගේම ඔවුන්ට දකුනේ අපි ඔවුන්ට වඩා වෙනස් නොවන බව වැටෙහෙන පරිදි කටයුතු කරන්න
 
2.උතුරට යායුත්තේ විනොද වීම සදහා නෙමේ අපෙන් වෙන්වූ මිතුරන් සමග නැවත් එක් වීමටය


විනොද ගමන් යන කට්ටියට වෙන කොතෙකුත් තැන් ඇත


මම මන්නාරම විසූ සමය ඇත්තේන්ම ඉතාමත් විනොදකාමි සමයකි. පාරේ බස් එකේ  ගිහින් පොලිසියේ බංකර්වල මදුරුවෝ තල තලා ගත කරපු කාලය තුල අපේ මිනිසුන් වින්ද දුක මම දැක්කෙමි.




ඒ වගේම මන්නාරමේ මිනිසුන් අපේ සිංහල අයට දැක්වු ධනාත්මක ආකල්පයත් දැක්කෙමී.කොටි ත්‍රස්තයන් රජයේ පාලන ප්‍රදේශයේත් ඔවුන්ගේ ව්‍යාපර කරන හැටිත් මම දැක්කේමි. වෙලාවක වෙනම බ්ලොග් එකක ඒ ගැන මම දාන්නම්
 
යාපනේ කියන්නේ හාමුදාව මගින් ඉතා දිගු කලක් පාලණය වූ ප්‍රදෙශයක් ඉතින් ඔවුන්ටත් නිදහයේ ජීවිතය ගෙන යාමට ඉඩ දේන්න ඒ වගෙම ඔවුනුත් මනුශයන්ය